7-8 მარტს თეირანში თავისუფალი სტილით მოჭიდავეთა შორის გუნდური მსოფლიოს თასი გათამაშდა. საქართველოს ნაკრები ირანში გადახალისებული შემადგენლობით გაემგზავრა და რვა გუნდს შორის მეექვსე ადგილი დაიკავა. ჯგუფურ ეტაპზე საქართველომ კუბას 5:2 სძლია, ირანთან და რუსეთთან კი 0:7 და 3:4 დამარცხდა, ჯგუფში მესამე ადგილი დაიკავა და მეორე დღეს, მეორე ჯგუფის მესამეადგილოსან უკრაინას დაუპირისპირდა და დაპირისპირება 2:5 დათმო.

ჯგუფურ ეტაპზე საქართველომ კუბას 5:2 სძლია, ირანთან და რუსეთთან კი 1:6 და 3:4 დამარცხდა, ჯგუფში მესამე ადგილი დაიკავა და მეორე დღეს, მეორე ჯგუფის მესამეადგილოსან უკრაინას დაუპირისპირდა.
პირველი-ოთხი წონითი კატეგორიის ჭიდაობის ჩამთავრებისთანავე გადაწყდა, რომ მეხუთე ადგილი უკრაინელებს დარჩებოდათ. გიორგი ედიშერაშვილი (55 კგ) იური ლედენევთან დამარცხდა, მალხაზ ზარქუა (60 კგ) – ევგენი ხავილოვთან, კობა კაკალაძე (66 კგ) – იური სიმაკინთან, ხოლო გოჩა ლომთათიძე (74 კგ) – დმიტრო კომისართან. ნიკოლოზ გაგნიძემ (84 კგ) და ბელდუხ გავაშელიშვილმა (96 კგ) ელდარ მანსუროვისა და ილიმდარ საიდოვის ძლევით ანგარიში მინუს ორ ქულამდე შეამცირეს, წერტილი კი ისევ უკრაინელმა დასვა – 120 კილოგრამში ალექსი მოდებაძეს ვასილ ტესმინეცკიმ აჯობა და საქართველო 2:5 დამარცხდა.

მსოფლიოს თასისთვის ერთმანეთს ჯგუფების პირველადგილოსნები – აზერბაიჯანი და ირანი დაეჭიდნენ. ფინალი დაძაბული გამოდგა და თასის მფლობელის ბედი მეშვიდე შეხვედრაში გადაწყდა – მძიმეწონოსანთაგან უფრო ძლიერი აზერბაიჯანელი ალი ისაევი აღმოჩნდა და თავის გუნდს 4:3 მოაგებინა.

მესამე ადგილი რუსეთმა დაიკავა, ყაზახეთის განადგურებით – 7:0, მეშვიდეზე კი უზბეკეთის 6:1 მძლეველი კუბა გავიდა.

მსოფლიოს თასი. თეირანი. 7-8 მარტი

A ჯგუფი

საქართველო 3:4 რუსეთი
ირანი 7:0 კუბა
რუსეთი 3:4 ირანი
საქართველო 5:2 კუბა
რუსეთი 6:1 კუბა
საქართველო 0:7 ირანი

1 ირანი 3 0
2 რუსეთი 2 1
3 საქართველო 1 2
4 კუბა 0 3

B ჯგუფი

უკრაინა 3:4 ყაზახეთი
აზერბაიჯანი 6:1 უზბეკეთი
უკრაინა 2:5 აზერბაიჯანი
ყაზახეთი 4:3 უზბეკეთი
უკრაინა 3:4 უზბეკეთი
ყაზახეთი 1:6 აზერბაიჯანი

1. აზერბაიჯანი 3 0
2 ყაზახეთი 2 1
3 უზბეკეთი 1 2
4 უკრაინა 0 3

მე-7 ადგილისთვის
კუბა 6:1 უზბეკეთი

მე-5 ადგილისთვის
უკრაინა 5:2 საქართველო

მე-3 ადგილისთვის
რუსეთი 7:0 ყაზახეთი

ფინალი
აზერბაიჯანი 4:3 ირანი