მთავარი » 2009 » აპრილი » 5 » სამბისტები სტუდენტური მსოფლიო ჩემპიონატის შედეგებს დეპარტამენტში შეაჯამებენ
სამბისტები სტუდენტური მსოფლიო ჩემპიონატის შედეგებს დეპარტამენტში შეაჯამებენ
10:00 Am
ლიტვაში გამართული სტუდენტური მსოფლიოს ჩემპიონატიდან დაბრუნების შემდეგ, ქართველი სამბისტები 12 დეკემბერს 12:00 საათზე სპორტის დეპარტამენტში პრესკონფერენციას გამართავენ. ოლეგ იაძის ნაკრებმა ლიტვაში 4 ოქროს, 2 ვერცხლისა და 2 ბრინჯაოს მედლის მოპოვება შეძლო.
ჩემპიონები კახა მამულაშვილი (74 კგ) , გიორგი იაძე (82) , მინდია ბოდაველი (100) და ვახტანგ ზოიძე (მძიმე) გახდნენ. ვერცხლის მედლებს გელა ბარათაშვილი (62) და ბექა იმერლიშვილი (68) დაეუფლნენ, ხოლო ბრინჯაო უშანგი კუზანაშვილმა(57) და ავთანდილ ცინცაძემ (57) მოიპოვეს.
სტუდენტურ მსოფლიოს ჩემპიონატზე 23 წლამდე ასაკის სპორტსმენები იღებდნენ მონაწილეობას. მთლიანობაში, ლიტვაში 16 ქვეყნის წარმომადგენლებმა მოიყარეს თავი, მათ შორის გახლდნენ სამბოს ტრადიციულად ძლიერი ქვეყნის სპორტსმენები რუსეთიდან, ბელარუსიდან, საფრანგეთიდან, ამერიკიდან, იტალიიდან.
გუნდური პირველი ადგილი რუსეთის ნაკრებმა მოიპოვა. საქართველოს ნაკრები ჩემპიონატზე 8 სპორტსმენით წარსდგა, სამწუხაროდ სავიზო პრობლემების გამო ლიტვაში გამგზავრება ვერ მოახერხა ლევან წიკლაურმა, რაც უდიდესი დანაკლისი გამოდგა ჩვენი გუნდისათვის.
